Gipahinumduman karon sa Bureau of Customs-Port of Davao ang tanang mga biyahero sa Davao
International Airport nga may dalang prutas or mga frozen product sama sa tuna ug seafood nga mokuha una og permit gikan sa Department of Agriculture-Bureau of Plant Industry.
Makuha ang permit sa opisina sa DA- -Bureau of Plant Industry plant quarantine service sulod sa Airport Terminal nga tapad lang sa counter sa Philippine airlines.
Susihon usab sa mga opisyal sa plant quarantine service ang mga bagahi, ma-hand carry man o check-in luggage sa Davao International Airport.
Tinguha niini nga masiguro nga luwas ang maong mga produkto sa mga peste nga makahatod og kadaut sa sektor sa agrikultura sa nasud.
Una na kining gipatuman niadtong tuig 2018, apan wala lamang napahugtan tungod sa kakulang sa kooperasyon sa mga airline company.
