Nag-warning karon ang Commission on Elections regional office 11 sa mga kandidato nga tanggalon na ang ilang mga posters nga wala sa common poster areas ug anaa sa mga pangpublikong lugar una paman mag sugod ang campaign period sugod karong Pebrero 11, 2025.
Sumala ni Atty. Gay Enumerables, Assistant Regional Director sa COMELEC XI, sa Pebrero 11, nga pormal na nga magsugod na ang pagpangampanya alang sa national nga posisyon, partikular na sa pagka-senador ug mga party-list.
Duna nay mga giandam nga listahan ang Comelec nga mga common poster areas sa Davao City, diin lamang angayang ibutang sa mga kandidato ang ilang mga campaign materials.
Kinahanglan usab ang gidak-on sa ilang mga posters anaa lamang sa two by three feet.
