Mokabat na sa 66 ang ihap sa mga nadakpan nga misupak sa election gun ban sa tibook Davao region.
Sa gipagawas nga impormasyon gikan sa Police Regional Office XI, sagad sa mga misupak ang nadakpan pinaagi mga police operations sama sa buy-bust operation ug ubang operasyon.
Sumala pa ni Pmaj Catherine DelaRey spokesperson sa PRO 11 Sa maong ihap, 77 ka armas ang nakumpiska sa kapolisan, diin, 15 niini ang nasakmit gikan sa mga checkpoint sa otoridad.
Gisiguro sa PRO XI nga nagpabilin ang istriktong implementasyon sa Election Gun Ban sa tibuok rehiyon, pinaagi sa mga PNP-COMELEC Checkpoints subay pagpangandam sa 2025 Midterm Elections.
Subli sab nanawagan ang kapolisan sa mga gun owners sa Davao Region nga adunay armas nga paso kon expired na ang lisensya nga i-surrender una kini sa police station human nga nagapadayun karon ang kapulisan sa ginapahigayon niiini nga oplan katok sa mga balay sa mga gun owners nga wala na nakapa renew sa ilang gun license.
