Nakadawat napud ang lokal nga panggamhanan sa dakbayan sa Davao og seal of good financial housekeeping gikan sa department of the interior and local government kon dilg alang sa tuig 2024.
kini na sab ang ika-14 nga sagunsong tuig nga nakadawat og samang pasidungog ang Davao City
Giila sa seal of good financial housekeeping ang mga sumbanan sa accounting ug auditing, ingon man ang palisiya sa full disclosure, ug episyenteng pagdumala sa kwarta ug kabtangan sa lokal nga panggamhanan.
Nagpasundayag sab kini sa pagkaresponsable sa pagdumalang pinansyal sa dakbayan, butang nga ginasiguro sab sa City treasurer’s office, City Accountant’s office, ug sa City Budget office.
