Hugtanong gilimod karon sa Police Regional Office XI ang mga impormasyong nangawas ka bahin sa giingong pag-aresto kang Davao City Mayor Sebastian Duterte pinaagi sa nakit-ang presensya sa kapolisan sa Davao International Airport.
Sumala pa ni Police Major Catherine Dela Rey spokesperson sa PRO 11, walay kamatuoran ang impormasyon, sanglit, ang maong pwersa sa kapolisan gikan sa Regional Mobile Force Battalion XI nga daan na usab kon regular ng naka-standby sa Davao Airport.
Kahinumduman nga una ng mikatag ang impormasyon sa social media bahin sa pag dugang ug pwersa sa kapolisan sa Davao International airport, dungan sab ang paggawas sa hulagway diin makita si CIDG Chief BGen. Nicholas Torre nga nagsul-ob og full battle gear ug dunay gihinabi nga katawhan apan nahibaw-an nga fake news lang kini.
Subling nanawagan ang PRO 11 ngadto sa publiko nga likayan ang pagpakatag og sayop nga impormasyon aron dili muresulta sa kasamok ug kabalaka.
