Andam na ang lapas 12,400 ka magtutudlo sa rehiyon onse nga magserbisyo isip mga poll worker karong piniliay sa Mayo 12.
Sumala pa ni Dodong Atelio, spokesperson sa Department of Education 11 kon Deped nga nakaandam na ang anaa sa 11,132 ka mga Deped personnel nag magsilbi isip mga electoral boards, 1,136 isip supervising officials, ug 143 isip board of canvassers.
Adunay 22,378 ka polling precincts ug kapin 3.3 milyon ka rehistradong botante ang rehiyon sa davao alang sa 2025 midterm elections.
Gi-abisuhan sab sa DEPED 11 ang mga magtutudlo nga nadestino sa lagyong dapit nga mo-report og sayo aron masiguro ang kaandam sa pagdumala sa mismong adlaw sa piniliay.
Padayon sab ang pakig-alayon sa Deped 11 ngadto sa Comelec ug uban pang ahensya aron masiguro nga walay kakuliang mahitabo karong Mayo 12 adlaw sa Election.
