Mipaklaro ang Commission on elections 11 (COMELEC) nga ang mga ballot box nga gihatod sa Davao City Police Office (DCPO), gitago lamang didto gumikan sa kakulangon sa mga angayng pasilidad sa dakbayan sa Davao.
Sumala pa ni Atty. Gay Enumerables, Assistant Regional Director sa COMELEC XI, nga ang DCPO maoy naghanyag og tipiganan sanglit walay igong kabutangan Davao City election office.
Dugang pa sa COMELEC nga mas maayo sumala kini nga opsyon tungod mas hapsay ang seguridad sulod sa headquarters sa DCPO.
Sa milabayng eleksyon, nagslibing tipiganan sa election paraphernalia ang Davao City Recreation Center, ubos sa kustodiya sa City Treasurer’s Office.
Matud ni DCPO spokesperson, Police Captain Hazel Caballero-Tuazon, miabot sa DCPO headquarters ang mga ballot box niadtong Huwebes sa buntag.
Samtang padayon sab nga naghulat ang Comelec 11 sa uban pang election supplies, lakip ang mismong automated counting machines kon ACMS.
