Gipangandaman na sa Davao City Overland Transport Terminal (DCOTT) ang pagdagsa sa liboan ka mga pasahero alang sa pag-obserba sa semana santa karong Abril.
Sumala pa ni Dr. Aisa Usop, Manager sa DCOTT, nga muabot sa 50-80,000 ka mga pasahero ang ginalauman nila sa maong semana diin muabot sab sa 1,000-1,500 ang mga byahe sa bus matag adlaw.
Subay niini, bag-ohay lang usab nadawat na sa buhatan ang ikatulong baggage xray machine nga dakong tabang sa pagseguro sa kaluwasan sa mga pasahero.
Ning kasamtangan, hugot ang pakipag-alayon sa buhatan sa uban pang ahensya susama na lamang sa Task Force Davao, CSU, LTFRB, LTO, ug uban pa sa pagsegurong mahimong hapsay ug luwas ang pagbyahe sa semana santa.
