Gi-awhag sa Department of Trade and Industry Davao region ang publiko nga magbinantayon sa pagsalmot sa mga ginahanyag nga sale ug promo online, ilabi na karong holiday season.
Nagpasidaan si DTI 11 director Romeo Castañaga labot sa mga matikasong online advertisement nga daw nagasundog sa mga lehitimong social media page.
Gihimug-atan ni Castañaga nga ang mga lehitimong promo dunay dti permit number, klaro nga gidugayon niini, ug kinahanglan dunay presensya sa dti representative alang sa mga raffle draw.
Mamahimong iberipika ang mga ginahanyag nga promotion sa ilang field offices o di kaha sa uban pang opisyal nga channels sa DTI.
Samtang, sa mga dunay diskwento nga produkto, kinahanglan susihon ang orihinal nga price tags, o di kaha dunay product standard o import commodity clearance ang mga freebie nga nakalakip sa mga produkto.
