Photo courtesy: City Government of Davao
Nagalaraw karon ang Department of Agriculture Davao region nga magpahigayon og usa ka floriculture summit dinhi sa syudad karong Agosto, dungan sa kasaulogan sa ika-40 nga Kadayawan festival.
Sumala ni DA-11 floriculture Focal person Winona Jane Aquino, kabahin kini sa ilang mga lakang aron ibanhaw ang nasangpit nga industriya sa rehiyon.
Dugang pa ni Aquino nga ang maong sumiit, gisundan lamang ang gipahigayong Mindanao International Floriculture Congress niadtong milabayng tuig, nga nakatabang sab sa pagpakusog sa ornamental plant cultivation sa Davao region.
Namahayag usab si Floriculture Industry of Davao Incorporated President Evelyn Laviña nga laraw nilang ipasundayag sa panagtapok karong tuiga ang waling-waling ug vanilla orchids sa Dakbayan.
Makig-alayon sab sila sa lokal nga panggamhanan sa Dakbayan sa Davao, City tourism operations office, Davao City Agriculturist’s Office, ug sa DA-11, alang sa maong kalihukan.
