Nagpahinumdum ang Civil Service Commission Davao region ngadto sa mga kawani sa gobyerno dinhi sa rehiyon nga magpabiling non-partisan, ug likayan ang pag-apil apil sa issue sa politika ilabi na nga nagsugod na ang panahon sa kampanya sa mga nasudnong posisyon niadtong Pebrero 11.
Sumala pa ni Civil Service Commission 11 Regional Director Cyril Nathan Eamiguel, wala ginatugutan ang mga trabahante sa gobyerno nga makiglambigit sa mga politikanhong kalihokan, lakip ang pagpangayo og suporta, pagpadayag og pag-endorso sa mga kandidato, ug pagsalmot sa mga aktibidad nga partisan.
Gi-awhag sab sa Civil Service Commission ang publiko nga itaho kon isumbong sa ilang buhatan ang mga molapas sa maong kamanduan. Hinuon, giklaro usab ni Dir. Eamiguel nga wala pay mga kawani sa gobyerno sa Davao Region ang nasilotan tungod sa mga politikanhong aktibidad.
