“
Subling gipahimangnoan sa lingap para sa mahirap office ang mga dabawenyo nga dili mahatagan og hinabang ang mga motorista nga malambigit sa bangga sa dalan nga walay suot nga helmet, walay suga ang motor, guba ang brake pads, ug dunay uban pang mga paglapas sa balaod trapiko.
Subay kini sa executive order number 7 series of 2018, nga gilagdaan ni kanhi Mayor Inday Sara Duterte.
Gawas pa niini, dili sab makadawat og hinabang sa lingap ang mga mabangga nga lango sa ilimnong makahubog o anaa sa impluwensya sa iligal nga droga.
Dugang pagpaklaro sa lingap office, mga lumulupyo lamang sa dakbayan ang makadawat sa ilang hinabang.
