Matud pa sa Bibliya kung unsa imong itanum imu pud ng anihon (What you sow you will reap) mao kini ang nahimong hisgutanan sa nahitabong dakong sunog sa Amerika.
Nahimong kontrobersyal ang nahimong awards night sa Golden Globe Awards karon bulana. Nahimong trending ang host sa programa sa dihang iyang gipaka ulawan ug gibiay biay ang pangalan sa Ginoo nga magbubuhat sa kalibutan matud pa nya ” God of the Universe zero mention” ug nangatawa ang tanan nagtambong sa maong event. Dugang pa nya ” This community is Godless Society’. Wala niabot og pila ka adlaw dunay nahitabong wild fire sa Palisade, Los Angeles, California ug matud pa sa mga eksperto mao ni ang pinaka dako na sunog na ilang nasaksihan.
Halos tanan mga dagkong mansion ug mga building sa maong lugar nasunog pati na ang kalasangan. Halos tanan nga mga Holywood celebrity sa movies, sport ug uban pa , ang ilang gipundar na propedad sama sa mga balay ug sakyanan gilamoy sa kalayo. Wala sila magtoo Sa dugay nila gipaningkamotan ug gipundar na kabtangan sa usa ka pamilok naabo tungod sa nahitabong dakong sunog sa lugar.
Mao ng naka hunahuna ko tinuod gyud ang gisulti sa Bibliya nga ayaw mo ug ipon ug pundar ug kabtangan diri sa yuta kay kutkoton lang na sa anay. Hinonoa buhata ninyo ang mga butang nga makapahimoot sa Inyong Amahan nga tua sa langit kay dunay ganti nga Inyong nadawat nga dili masunog.
Bisan diri sa Pilipinas daghang ug mga kalamidad nga atong nasinatian dunay mga pagbaha, sunog, landslide, linog ug uban pa. Mao nga kawang gyud ang atong ipundar nga kabtangan dinhi sa kalibutan.
Balik ta Sa atong pangutana tinuod ba gyud Ang KARMA? Usahay dili ta makapa abot sa gusto mahitabo sa mga taong nagbuhat ug mga dili maayo sa iyang isig katao labi na gyud sa atong mga leader or Pulitiko sa nasud. Daghan na wala ka uyon sa pamalakad sa atong gobyerno pero hangtud karon wala pa may resulta ug kasulbaran. Daghan na ang gihimong mga rally ug pagpuna sa mga hiwi nga pamalakad sa atong gobyerno pero padayon man gihapon sila naglingkod sa pwesto!
Relaks lang mga igsoon wala natulog ang atong Amahan nga naa sa langit mas nakabalo Siya kung unsa ang atong nasinatian karon. Ato lang hulatan nga siya na mismo ang magbuhat ug pamaagi nga mahigmata ug mawala sa pwesto ang mga tao nga naghimo ug makalololooy sa katawhan. Bag-o lang dunay mga Leader ug Pulitiko nga nag resign ug niundang duna daw silay sakit na gibati. Naa say opisyal sa kapulisan nga anaa karon sa tandogonon nga kahimtang. Mao na paabot lang ta nga ang Ginoo na maglihok.
Matud pa sa iyang pulong kung ang akong katawhan magpa ubos sa ilang kaugalingon ug mag ampo kanako akong ayuhon ang ilang lugar.
Sa nahitabo sa California nga dakong sunog ug mga kalamidad nga nasinatian sa tibook kalibutan angayan na gyud sampiton ang atong Ginoong Dios.
