Gi-aprubahan na sa konseho ang pag-amenda sa comprehensive traffic code ning ning syudad, nga magpalugway sa validity sa motorized transport operator’s permit ngadto na sa duha ka tuig.
Matud ni Konsehal Conrado Baluran ang Chairman sa Committee on Transportation , makatabang kini sa mga operator nga makadaginot og 50 porsyento sa ilang mga galastuhon, ingon man makaawhag pa og mas daghanang magparehistro alang sa prangkisa sa motorized tricycle for hire kon mth sa dakbayan.
Gibutyag ni Konsehal Baluran, anaa lamang sa 800 ka mga motorized tricycle for hire kon mth ang dunay prangkisa ug 7,000 ang dunay opisyal nga body numbers, gikan sa kinatibuk-ang 24,000 ka mga motorized tricycle for hire kon MTH sa dakbayan.
Samtang, mamahimo nang mag-inquire ang mga motorized tricycle for hire operator bahin sa pagpalugway sa ilang prangkisa ngadto sa Motorized vehicle franchise and regulatory division sa City Transport and Traffic Management office kon CTTMO.
