Gipahibalo karon sa Public Employment Service Office kon Peso Davao City nga anaa lamang sa 465 ka mga estudyante ang pagadawaton sa Special Program For Employment Of Students (Spes) sa Department Of Labor And Employment-Davao Region.
Sa 465 ka slots sa SPES, 60 porsyento niini ang idestino sa lokal nga panggamhanan ug mga pribadong kompanya, samtang ang nahibiling 40 porsyento ang idumala sa DOLE 11.
Sumala ni Peso-Spes Focal Person Shirley Sahid, abli ang programa alang sa mga estudyanteng edad 15 hangtod 30, apan kinahanglan nga ang ilang pamilya, dunay kita nga dili molabaw sa 168,000 pesos matag tuig.
katambayayong sa Dole XI alang sa Spes Ang Gaisano Mall Of Davao, Jollibee, Ug Mcdonald’s.
Ang mga madawat nga estudyante, kinahanglang motrabaho sulod sa 22 ka adlaw.
Nagsugod na ang interview sa mga aplikante niadtong Marso 29, ug 20 sa mga 30 ka inisyal nga pwesto ang gitagana alang sa mga sakop sa Indigenous Peoples kon Ips.
