Gi-anunsyo karon sa Davao Light and Power Company nga dunay dul-an 22 sentimos nga pag-ubos sa singlonon sa matag kilowatthour sa kuryente karong bulana.
Sumala pa ni Fermin Edillon – Spokesperson, Davao Light and Power Company gikan sa 9 pesos ug 21 sentimos nga presyo sa matag kilowatthour niadtong disyembre 2024, anaa na lamang kini karon sa 8 pesos ug 99 sentimos.
Nagpasabot kini nga makadaginot og hangtod 43 pesos ug 28 sentimos ang mga tagbalay nga may 200 kilowatthours nga konsumo.
Hinungdan sa pag-ubos sa singlonon sa kuryente ang pagkunhod sa presyo niini sa wholesale electricity spot market kon WESM dinhi sa mindanao.
Ipatuman na ang bag-ong singlonon sa mga bill nga madawat gikann enero 11 hangtod pebrero 10.
Samtang, giklaro sa davao light nga tungod sa tarugonong kinaiya sa presyo sa enerhiya sa merkado, lauman sa mga konsumante ang pagbag-o sa singlonon matag bulan.
