Giklaro karon sa lokal nga panggamhanan sa Davao City nga wala pay tubag ang Malacañang sa hangyo nga magdeklara aog special non-working day sa syudad sa Marso 17, subay sa pagsaulog sa ika-88 nga Araw ng Dabaw.
Pagsiguro sa City Tourism Operations Office, nakatuman ang LGU Davao sa mandato sa Office of the President nga ang hangyo alang sa mga presidential proclamations sa special non-working days, kinahanglang i-sumite dili mu-ubos sa 30 ka adlaw una ang adlaw sa aktibidad.
Sa pahayag sa lokal nga panggamhanan, Enero 28 pa nagsumite og resolusyon ang Davao City Council ngadto sa Office of the President alang sa adlaw sa Pasasalamat sa ika-88 na Araw ng Dabaw sa Marso 17, lakip usab ang pagsaulog sa Indigenous People’s Day atol sa Kadayawan Festival sa Agsoto 15.
