- Kabatan-onan sa Distrito 2 nagpakita sa ilang soporta
Kapin lima ka libong kabataan-onan sa Laak, Davao de Oro ang mi palanog sa ilang pagsuporta kang Butchoy Taojo sa iyang kandidatura paga-ka kongressman sa ika-duhang distrito sa Davao de Oro.
Ang mga grupong kabatan-onan wala maka-uyon sa mga gipanghambog sa ilang kasamtangang mga lideres nga kono lisud sila pildihon kay sumala pa naa silay gisandigan mga gamhanan sa gobyernong national.
Ilang gisaway ang dili makatarungnganon ug hiwi nga pag-alagad sa lokal nga gobyerno sa Laak, Davao de Oro kay ang gisiguro nila mao man ang ilang personal nga interes hinungdan nga hinay ang paglambo sa lungsod sa Laak.
Makita man sa tanang molupyo sa Laak ang paglambo sa negosyo sa mga nanga-tungdanan pero ang mga katawhan nagpabilin nga pobre ug halos walay kaug-ma-on. Wala nila gikalipay ang paghatag og ayuda aron mahaylo ang mga botante, apan walay kabag-ohan sa kahimtang sa mga molupyo homan sa eleksyon.
Nangimbabaw sa mga kabatan-onan ang idealismo hinungdan nga nagkasinabot nga paluyuhan ang kandidatura ni Butchoy, kay matud pa , dili ikalimud nga bisan sa iyang pribadong kapasidad daghan ng mga tawong nanginahanlanon ang natabangan niini. Dugang pa sa mga kabatan-onan wala ginayagyag ug ginapasi-atab ni Butchoy ug ang iyang pamilya kon kinsa ug pila ang ilang gitabangan. Dili pareho sa ubang politiko nga grabe ang publisidad unya pag-abot sa panahon kay maningil.
Sa mga miaging adlaw sa dihang gibisita si Butchoy ang mga kalungsoran ug mga barangay sa Distrito dos sa Davao de Oro pinasahing pag-abi-abi ug pagsugat ang gipakita sa mga molupyo sa iya. Matud pa ni kanhi Gobernador Arturo “Chiongkee” Uy nga mas ilado na karon nga Papa Gov nga kasagaran kauban ni Butchoy sa iyang mga lakaw: “Morag artista nga gidogukan sa mga molupyo si Butchoy”. Sa maong mga okasyon daghan ang mogakos kang Butchoy kasagaran gahilak samtang nagpasalamat kay diay nakadawat sila og hinabang kang Butchoy. Si Butchoy igo lang mopahiyum ug moingon nga na lipay siya kay nakatabang siya sa ilang mga kinahanglanon.
Sa laing bahin, namatikdan karong bag-o lang ang hinanaling propaganda nga nag-ingon nga si Maricar Zamora kono nagpabilin nga suod nga higala ug sinaligan ni VP Sara Duterte. Ang maong tumong, sumala pa, aron mahaylo ang mga maka-Duterte nga mga botante sa Davao de Oro nga paloyuhan ang kampo nila Zamora, Mabanglo ug Ceniza. Hinoon nagpabilin ang hingpit nga pagsuporta sa ilang grupo ngadto kang Speaker Martin Romualdez ug Presidente Marcos nga diin gagikan ang Ayuda ug AKAP nga gisalig kanila.
Kaning mga bag-ong panghinabo wala gitagad sa kampo nila Ruel Gonzaga, Butchoy Taojo ug kanhi Gobernador Arturo Uy kay matud pa dili na puedeng ikalimud ni Zamora nga giayo niini pagbatikos si VP Sara homan nga nagma-unongon kini sa kang Romualdez ug Marcos.
