Photo courtesy: Butchoy Taojo – Para sa Tao facebook page
- Gitubag ang mga black propaganda
Gitubag na ni Noe “Butchoy” Taojo, ang giilang pilantropo ug matinabangon nga negosyante nga midagan pagka congressman sa 2nd District sa Davao De Oro ang mga akusasyon batok kaniya sa iyang mga kalaban sa pulitika.
Unang gitubag ni Butchoy Taojo ang black propaganda nga kono ang iyahang minahan nga nahimutang sa Diat Palo, Pantukan giingong pahawaon daw niya ang mga gagmayng minero kung siya mudaug pagka congressman. Gibutyag ni Butchoy nga 30 na katuig nga nag operate siya sa iyahang minahan apan ni usa sa mga gagmayng minero wala siya’y gipahawa.
Si Taojo, nga mas ilado sa iyang anggà nga Butchoy, mipasibaw sa iyang gìbati kay matud pa niya dili niya kayang himuon ang pagpahawa sa mga gagmyng minero kay siya mismo nagsugod sa maong kahimtang hinungdan nga kasabot siya og unsa kalisud ang magpasimpalad sa usa ka pobreng minero.
Giklaro ni Butchoy nga una niyang napalit ang kapin sa 4,200 hectares nga mining area sa nanag-iya niini taga Manila ug nagplano nga pahawaon ang mga tao sa naasoy ngaarea. Usa kini sa mga hinungdan nga iya kining gipalit aron dili mapahawa ang mga tao nga daan ng nagpuyo ug nagmina sa naasoy nga dapit.
Nanawagan usab si Taojo nga kung naay mupahawa kanila o magka problema sila sa ilahang giminahan, muduol lang kaniya tungod andam siyang mutabang.l
Ikaduhang gilabay nga isyu batok sa negosyante ang giingong drug lord daw siya.
Giklaro ni Butchoy Taojo, nga gigamit sa iyang mga kaatbang sa pulitika aron dauton siya apil ang ilang negosyo nga Golden Sun Cargo Examination Services Corp. nga nahimutang sa Cagayan De Oro City. Gamay lang ang iyang parte sa maong negosyo tungod kay daghan silang nanag-iya.
Sumala pa, naay halos kaparehong pangalan ang ilang kumpanya, ang Golden Sun 999 and Development Corporation, nga gipanag-iyahan sa usa ka Tony Yang nga segun sa balita naa karon sa prisohan tungod nahilambigit sa illegal drugs, smuggling ug uban pa.
Ang gihimo sa mga kalaban sa pulitika aron madaut si Taojo, ilang gipagawas nga gipanag-iyahan ni Taojo ang kaparehas nga pangalan sa ilang kumpanya nga maoy hinungdan nga giingon nahilambigit siya sa illegal drugs.
Iyang gisulti nga kung tinuod nga drug lord siya dugay na kining gìdakop ug gipasakahan og kaso. Apan wala kini mahitabo tungod ginamagama lang kini sa iyang kaatbang ug sa iyang mga propagandista aron dauton sya.
Ang ikatulong gitubag nga isyu ni Butchoy mao ang pagsakay sakay niya sa helicopter panahon nga mubisita siya sa mga lugar. Hinuon gikataw-an lang kini sa mga katawhan ug isig niya ka mga negosyante kay matud pa unsa may dautan sa pagsakay sa helicopter nga iya mang gipangayo-iyahan ug ginagamit kini aron dali ra siya maka-abot sa iyang minahan.
Wala siyay gilapasan nga balaod og gamit niya ang helicopter ug dugang pa mas daghan siyang lugar nga maadtohan.
Alang kang Taojo, ang tanang isyu nga gilabay batok kaniya karon lang naggawas tungod sa iyang pagsulod sa pulitika ug wala siya matay-ug tungod nasayud siya nga ang bagang hut-ong sa katawhan nagpabiling musuporta kaniya.
Kahinumduman nga gisuroy ni Butchoy Taojo ang taga Pantukan, Davao De Oro niadtong miaging adlawng Domingo, petsa 23 sa Pebrero ug libuan ka mga residente nga gikan sa nagkalain laing barangay ang malipayong misugat kaniya.
Dungang gisinggit sa mga Pantukenyo nga dili sila mutuo sa bisag unsang pagpangdaut kang Taojo ug andam nilang suportahan alang sa kalinaw sa Davao De Oro ug andam nilang labanan batok sa mga tawong nagsegi ug pandaut sa ilang idolo.
Sa gìpakita sa mga katawhan nga madasigon nga misugat kang Butchoy Taojo nagpaila kini nga bisan pa og unsang black propaganda ug mga isyu nga pagpangdaut kay Butchoy Taojo wala ni usa niini ang gituohan sa mga taga Davao de Oro sanglít nakaila sila kang Taojo nga matinabangong ug may dignidad nga tawo.
