Tinguha karon sa Davao City Health Office nga mag-abli sila og unom ka bag-ong Botika ng Bayan karong tuiga, agig pagpalig-on sa access sa libreng tambal ug serbisyong medikal.
Sumala ni CHO Botika ng bayan Officer-In-charge Gemma Pujanes, tinguha nilang makab-ot ang insiyal nga gipuntaryang 18 ka butika ng bayan sukad gilusad kini niadtong tuig 2018.
Dugang ni Pujanes, Nakadakdang paga-ablihan karong tuiga ang mga bag-ong botika ng bayan sa Baguio District, Brgy 23- C Mini-forest, Talomo central health district sa GSIS, Talomo North health district sa S.I.R., Talomo South Health District sa Puan, ug sa Tugbok District.
Nakatakda sab silang magpakatag og 12 ka pharmacists nga kuhaon sa lokal nga panggamhanan alang sa mga bag-ong botika ng bayan, gawas pa sa mga kasamtangan pharmacist gikan sa Department of Health 11.
Mokabat sa lapas usa ka milyon ka kliyente ang naserbisyohan sa botika ng bayan hubs niadtong tuig 2024, ug laumang mas modaghan pa kini tungod sa mga bag-ong hub nga ablihan ning tuiga.
