Namahayag si Konsehal Louie John Bonguyan, chairperson sa Committee on Energy and water, nga abli karon ang dakbayan sa davao sa pagdawat og dugang water concessionare.
Kini aron maakomodar sab ang paspas nga pag-ugmad sa dakbayan, nga nagpasabot sab sa pagsaka sa gidaghanon sa makonsumong tubig.
Sumala ni Konsehal Bonguyan, bisan pa man nga episyente sa karon ang operasyon sa bulk water supply project, mas maayo kon ablihan ang water supply concession sa uban pang mga concessionaire agig pagpangandam sa umaabot nga panahon.
Dungang pa ni Konsehal Bongyuyan sa karon, anaa lamang sa 70 hangtod 80 porsyento sa 300 million cubic liters matag adlaw ang mahatag sa bulk water supply.
