📸 DCPO
Nakaalerto na ang kinatibok-ang pwersa sa Davao City Police Office kon DCPO sa mga mahitabong lihok protesta sa syudad nunot sa pagsikop kang kanhi Presidente Rodrigo Duterte.
Sumala ni DCPO Spokesperson Police Captain Hazel Caballero-Tuazon, nagpakatag na sila og mga PNP personel aron magbantay sa seguridad sa mga pangpublikong dapit kung asa ginatugotan ang mga lihok protesta nga dili na kinahanlang ug permit sama na lamang sa Rizal park ug freedom park.
Dungang pa sa DCPO nga sa pagkakaron wala pa silay nadawat nga mga problema kon mga natala nga mga panghitabo human sa sagunsong na nga pagtapok sa mga suporters ni Kanhi Presidente Rudy Duterte.
Nagpasalig sab ang opisyal nga nagpabiling mabinantayon ang tanang mga 19 ka mga police station sa syudad aron mapabilin ang kahusay sa ilang mga tagsa-tagsang area of responsibility luyo sa mga posibling mahitabo pa nga mga lihok protesta sa syudad.
