Nakumpiska sa kapulisan ang 132 ka lantaka atol sa pagsugat sa Bag-ong Tuig, sumala sa datos sa Davao City Police Office (DCPO).
Matud ni PCapt. Hazel Tuazon, spokesperson sa DCPO, ang mga lantaka nakolekta gikan sa managlahi nga estasyon sa syudad base sa 14 ka mga reported nga insidente.
Gibutyag usab sa DCPO nga kasagaran mga minor diidad ang mga nasakpan nga naghupot sa mga lantaka
Dugang pa sa kapulisan, kapin duha ka dekada na nga gipatuman sa Davao City ang firecracker ban apil na niini ang pagbawal sa lantaka, nga nagtinguha sa kaluwasan ug paglikay sa disgrasya sa panahon sa selebrasyon.
