Photo via DCPO
Gibutyag karon sa Police Regional office 11 nga Ni-ubos og 2% ang kriminalidad sa Davao Region, karong tuiga.
Kini ang gibutyag ni Police Major Catherine dela Rey, tigpamaba sa Police Regional Office XI, sukad Enero ning tuiga, natala ang 123 ka kaso sa eight focus crime, mas ubos itandi sa 121 nga kaso sa susamang panahon sa nakalabayng tuig.
Lakip niini ang mga kaso sa murder, homicide, physical injury, rape, robbery, theft, carnapping sa motor vehicles ug sa motorcycles.
Pagbutyag ni dela Rey, labing ni-ubos ang mga kaso sa pagpanglugos o rape nga ni-ubos og 37.5% o gikan sa 40 ka mga kaso sa nakalabayng tuig ngadto sa 15 sa susamang panahon karong tuiga.
Ang pag-ubos sa kriminalidad sa rehiyon tungod matod pa sa gipakusgang paningkamot sa kapolisan, sama sa pag-edukar sa katawhan ug pagpatrolya sa mga kadalanan.
Samtang, gisiguro sa Police Regional Office XI, nga gawas sa focus crime, ginatutukan usab sa kapolisan ang mga non-index crime sama sa pagbatok sa ilegal nga droga, iligal nga sugal ug smuggling.
