Pormal na nga gipasakaan og kaso ang usa ka negosyante nga taga Placer Poblacion, Surigao del Norte nga giingong nagpaluyo sa-fireworks atol sa bag-ong tuig sa Phase 1, Block 4, NHA Bangkal, ning syudad.
Sumala pa ni Police Captain Hazel Tuazon spokesperson sa Davao City Police Office (DCPO), Enero 7, 2025, gipasaka ang kaso sa suspek nga si Remegio alyas Botyok sa kasong paglapas sa City Ordinance No. 060-02 Series of 2002 ug Republic Act 7183.
Giduso ang kaso pinaagi sa regular filing ngadto sa Office of the City Prosecutor, Davao City.
Sumala pa ni Cpt Tuazon nga gipalig-on ang pag-file sa kaso pinaagi sa complainant, testimonya sa duha ka mga indibidwal nga nakakita sa suspek nga si alyas Botyok sa riprap duol sa sapa sa NHA Bangkal, diin kini posibleng nagpa-fireworks ug sa narekober nga mga ebidensya lakip na mga fragments sa fireworks sa lugar nga giimbestigahan sa Talomo Police Station.
