Gisugyot karon sa Public Employment Services Office (Peso) – Davao City ang usa ka ordinansa nga maghanyag og mga oportunidad sa pag-empleyo alang sa mga Dabawenyong senior citizen.
Matod pa ni peso Manager Lilibeth pantinople, nagapaabot na lamang sila sa opinyon sa City legal Office ayha sila magpresenta sa maong sugyot ngadto sa konseho.
Gibutyag sab ni Pantinople nga nagpadayag na og interes ang mga dagkong fast-food chain sama sa Jollibee Ug Mcdonald’s sa pagkuha og senior citizens nga edad 60 hangtod 70.
Kini alang sa mga sayon nga buluhaton sama sa pagdawat og order ug pag-asikaso sa mga kliyente.
Una nang gisugyot ni Konsehal Diosdado Angelo Mahipus Jr. niadtong 2023 ang maong lakang, ug nagpadayon pa ang mga panagpulong aron mahikay ang ordinansa nga mohaom sa mga panginahanglanon sa nasangpit nga ordinansa.
Posibleng sab nga malakip sa ordinansa ang paghatag og insentibo sa mga pribadong kompanya nga modawat og mga senior citizen isip mga empleyado.
