GOOD NEWS! Nakatakda na nga madawat sa mga empleyado sa lokal nga panggamhanan sa Davao ang ilang bonus ayha matapos ang tuig karong 2024, human na aprobahan na sa Davao City Council ang Supplemental Budget Number 3 nga nagkantidad og 433 million pesos.
Sumala ni Councilor Myrna Dalodo-Ortiz, Chairperson sa Committee on Finance and Trade and Industry, ang pondo maglangkob usab sa mga programa nga gikinahanglan sa mga barangay nga resulta sa ginapahigayong caravan sa LGU.
Sulod sa maong supplemental budget, nalakip ang mga bonus alang sa mga plantilla ug mga contractual employee sa local nga pang-gamhanan sa syudad sa Dabaw, ingon man ang pondo alang sa mga proyekto ug imprastruktura nga ipatuman sa Office of the City Mayor.
